 
 
4 апрель Борай 3 - сө һанлы мәктәбендә "Башҡорт телен уҡытыуҙа актуаль проблемалар" темаһы аҫтында башҡорт теле һәм әҙәбиәте уҡытыусыларының республика семинары үтте.
Семинарҙа
Башҡортостан Республикаһы Мәғариф һәм фән министрлығының Милли мәғариф идаралығы начальнигы Ҡаһарманов Илдус Фәнил улы, Мәғарифы үҫтереү институтының башҡорт теле һәм башҡа туған телдәр һәм әҙәбиәттәр кафедраһы мөдире Ғәбитова Зәкиә Муллағәле ҡыҙы, Мәғарифты үҫтереү институтының Милли мәғариф буйынса ресурс үҙәге директоры Әбделмәнова Әлфиә Вәкил ҡыҙы, Мәғарифты үҫтереү институтының Милли мәғариф буйынса ресурс үҙәгенең баш белгесе Лоҡманова Алита Даян ҡыҙы һәм 22 ҡала һәм райондарҙың туған тел методистары, башҡорт теле һәм әҙәбиәте уҡытыусылары ҡатнашты.
Килгән ҡунаҡтар интерактив башҡорт теле, башҡорт бейеүҙәре, театр түңәрәге эшмәкәрлеге менән танышты. Асыҡ дәрестәр, әҙәби-музыкаль композиция ҡараны.
Төшкө аштан һуң Түңәрәк өҫтәл артында башҡорт телен уҡытыуҙа тыуған проблемалар һәм уларҙы сисеү юлдары ҡаралды.
|
